O Instituto Enerxético de Galicia (Inega) publicou, en data de 2 de xuño de 2025, as subvencións concedidas do 1 de xaneiro de 2024 ao 31 de marzo de 2025, ao amparo da Resolución do 5 de xuño de 2023, pola que se aproba a convocatoria para o ano 2023 do procedemento de concesión de axudas correspondentes ao Programa de incentivos para a implantación de instalación de enerxías renovables térmicas en edificios non residenciais, establecementos e infraestruturas do sector público, no marco do Plan de Recuperación, Transformación e Resiliencia, financiado pola Unión Europea-NextGenerationEU (código de procedemento IN422O).

A convocatoria, publicada no DOG do 26 de xuño de 2023, establecía un orzamento total de 4.970.319 €. O prazo de presentación de solicitudes finalizou o pasado 31 de xullo de 2024. Por medio da presente resolución resolvéronse un total de 1.477.256 €, sendo seleccionados 33 beneficiarios, dos cales 15 corresponden á liña de axuda Aerotérmica, recibindo un total de 431.973 €. Pola súa banda, e en canto á liña de axuda de Biomasa, seleccionáronse 7 beneficiarios, recibindo un total de 886.047 € e por último, un beneficiario recibiu 159.236 € dentro da liña de axuda de Xeotermia/Aerotermia.

A distribución do orzamento resolto por liña de financiamento e provincia resulta da seguinte maneira:

• Liña Aerotérmica

Provincia	Nº Beneficiarios	Importe axuda (€)
Pontevedra	5	189.686
A Coruña	9	215.813
Ourense	1	26.475
Total	15	431.974

 

 

• Liña Biomasa

Provincia	Nº Beneficiarios	Importe axuda (€)
Pontevedra	4	132.416
Lugo	8	504.207
A Coruña	3	182.224
Ourense	2	67.200
Total	17	886.047

 

 

• Liña Xeotermia/Aerotermia

Provincia	Nº Beneficiarios	Importe axuda (€)
Pontevedra	1	159.236
Total	1	159.236